 |
| الشعر الملحون الجزائري |
وينك وينك بيني خـــــزره وينك
وخلي جـره من وراك نـــشوفوها
توحشنا ذيك الملامح مــن زينك
وذيـــك الضحكه ماقدرنا ننسوها
موالف ڨمره ضاويه ڨاع تـــلولك
وناسك تزهى كامله كي شوفوها
زينتي هذ السحارى بـــــــــجمالك
مثل غـــــــــــزاله ماقدرنا نكفوها
مــــهما نوصف مانجيبش تمثالك
كلش باين ذ السمايم كــــــشفوها
شعرها ذهبي طايح سبيب اڨبالك
وزوج حواجب كي تڨرنو طبعوها
وذيك الڨصه قيمت طاح ضلولك
ودمس عـــيونك كملو كى زادوها
أوشكات مربطه مـــــــــن تمتانك
مـــكاحل زادو هضعو كى زندوها
وخــــــدودك رمان حاويه جنانك
وأصلو مــسعد ڨاع ناسو نشتوها
وذيك الرڨبه ق سفينات تــــعارك
تڨصص فى مـوجات حبو يكعوها
وفــــــمك لؤلؤ زاد طبعو تبسامك
خانه كحله ذ الشفايف رفــــدوها
هذ بيت قـصير جبتو فى وصـفك
ونخلي نـــــــص الملامح نخفوها
ه بسيف تنوض حــــرب وتتعارك
وعشاقك حتى المكاحل جبدهــا
عودي لزرڨ نبرمو ضـــرك توالك
ونعتلو بركم يامنزوهـــــــــــــــــا
ولالموني ناسكــــــــم راني سالك
خليهم روحي وروحك يدوهـــــا
حبك جــــــور داخلي راني هالك
ودونك ليا ذ المحبه نحيـــــــوها
خلاص الڨلب اهدا ڨداتو نيرانك
وقهرو جمرك عاد فحمه جبدوها
حني ياك انتي حنينه من شاوك
وڨلبك ياك طيابتو مانحصوهــــا
عدت معادي ناسنا ساكن جـــارك
وعن جالك فارقت ناس نحبوهــا
إلى آخر القصيده
الشاعر أحمد بن عثمان