 |
| صورة من تصميم أكادمية الشعراء العرب |
قصيدة الرحيل
بعد ماعشتنها اللمـــــــــــــات بعد ماكنتنلي مرســـــاي
رحل منكن ذابل لنعـــــــــــات قعدتن لنواحي وابكـــــاي
بعد ماكنا وكان وكــــــــــــان وكنتي مجلسها السهرات
وفيك تراتيل القـــــــــــــــرآن وفيك تفاصيل حكايــــــات
بعد ماكنتيلي سيســــــــــــان ركايز بالعز منيعــــــــات
اني والساكنكن جيــــــــــران قداه اشواقي مشـــدودات
اليوم بقيتن كان مكـــــــــــان عزي يادنيا عالـــــي فات
رحلنا وقستنا لزمـــــــــــــان قعدتن يا ديار خليّـــــــات
رحلنا رحله لاعنــــــــــــوان قعدتن في البال احكايـــات
رحيل الفارس مالميـــــــدان ونجعه محتاج الفزعـــــات
رحيل الصحه من لبــــــــدان وصغري وسواد الشنبـات
رحيل الضاماته لفتـــــــــــان ومكسوبه في البيت بنـــات
وخايف عل عرضه ينهــــان اتطيح اسواره المبنيــــــات
واني مثله شارد لذهـــــــــان على صهد السامور انبــات
فريسه مانملك وجـــــــــــدان رحل منها لحساس ومـــات
جهامه نتغذى كيســــــــــــان ملايا حنضل مسمومـــــات
تشوف خيالي شكل انســــان ولاتنبض في الجسم حيـــاة
ونتمنى نلقاش مكــــــــــان ايرد هناي ايخفف من مطمور شقــاي
اطياح سقفكن والبيبـــــــان جبر اغناي انعزيكن بهموم عــــزاي
اخيت على الوقت الخـــوان حكم هكاي قعدتن للماشي والجاي
قعدتن كان شقوق تبـــــــان وشكل ابناي ومطراح اصباع البناي
قعدتن ياديــــــــــار مناعيت شواهد عل سالف ليــــــــــام
عليكن في المـــرواح بطيت ثلاثه في لثنـــــــــــــاشن عام
مفارق كيف الطيـــــر جليت تقول محــــــــــــــرزلي عزام
كتبلي وشربنـــــــــي وكليت وطيرني من العش حــــــــرام
معاي منها خاتــــــــم هزيت وصوره وخصلت خيط احـزام
ومدتهـــــــــــن تبكي وبكيت عليا لاذت من قــــــــــــــــدام
تودع فيا ومـــــــــــا ضنيت افراقي للها ايكون اعـــــــدام
بقت ترقب لال اتقيـــــــــــت علي صامت من غير اصيــام
ولامنها اجــــــــــواب تلقيت ولامني فرحت بســـــــــــــلام
خذتني لريـــــــــــاح اداعيت تقول مركب موجــــــــه لطام
ولاللكن ياديـــــــــــار رعيت ولاجيتن في طيف منــــــــــام
مع قسوة ليـــــــــــام اقسيت ومن لايمني مايلتــــــــــــــــام
ولو تــــــــدرن كيف تعشيت دموعي فوق الخد جمــــــــــام
ولو تدرن قـــــــــداش عييت نشوف وراي ونتذكر فايام زهــــــــــاي
يهس غلاكـــــــن كان غفيت انهز اغطاي انفزلكن تقصار خطــــــــاي
احيت شويتنـــــــي واشويت وزاد بلاي على ما صار بعد فرقــــــــاي
اجرالي كيف استــــار البيت بلا رصاي وناضت دعزاقه في قفـــــاي
وكيف رجعتلكــــــــن ياديار ضهرتلني مافيكـــــــــــن شي
عليكن دار الغيم اطـــــــــوار ترابــــــــــه رداكــــــــن عالي
قعد كان الوقت الغـــــــــــدار علي يظحك وايبصر بــــــــي
يصورلي فرحي مشـــــــــوار ويعجنلي الطايب بالنـــــــــي
وجيتك نتمنى ياديـــــــــــــــار انشوف فيكن زولا لنبـــــغي
القيته مخليلي تذكـــــــــــــــار نقش صوره في الحيط علي
مع الصوره مكتوب اسطــــار احروف اسمي واوصايه لي
وكاتبلي اذا يجيك نهــــــــــار يردك مكتوبك واتجــــــــــي
تفكر وتفكر ما صــــــــــــــار وعاهدني ما اتخــــــــلي بي
لاكني اخيبة لقــــــــــــــــــدار ارجوعي مافادش في شـــي
القيت البر الكل اقفـــــــــــــار ودار تنعي وفي اتعــــــــزي
ومشهد في جنبها ليســــــــار امثقل فوقه زوز ارحـــــــي
شرد فكري حسيته طـــــــــار وماسمعتاش اينـــــــادي في
الفارس راكب عل قحطــــــار علي لافي يمشي شرقـــــــي
تفكرته كانلنا جــــــــــــــــــار بدي راجــــــل خليته اصبي
يقول رحلو اعزازك مالــــدار بعد ليعه ونهار قـــــــــــوي
ومن خلت دمعك قطـــــــــــار عليها كل الخلق اشـــــــوي
بقي المشهد هذا ينـــــــــــزار وفي وسطه مدفونه هـــــي
عليك صبرت ستين نهــــــــار وعامين وجمعه واشـــــوي
تدور اتردد في لوكــــــــــــــار تقول بكاي على من خلاني هكـــاي
تدور اتردد في لوكــــــــــــــار تقول دعاي اجعلته ياربي مــــولاي
قبل ماترفعني بنهــــــــــــــــار نشوفه جاي غلاء من فارق من رداي
قبل ما ندرق بنهـــــــــــــــــار يكون معاي انموت وهو قريب حذاي
#الرحيل ✍️ #البشيرعبدالعظيم