قصيدة حبيب ل زرعلي في ضميري غصة
قصيد معارض للقصيد الأصلي الشهير
#حبيب_ل_زرعلي_في_ضميري_غصة
للشاعر الكبير المرحوم أحمد بن سالم البرغوثي
.png "قصيدة حبيب ل زرعلي في ضميري غصة") |
| صورة من تصميم أكادمية الشعراء العرب |
حبيب ل زرعلي في ضميري غصة
حبيبي لحسبته نصرتي في الشدة
و هو راحتي كان الزمان اشتد
و مفتاح بيهم للوعر نتعدى
و مصباح ضاوي في ظلام اسود
معاه ما درتش خطايا ضده
و جريت جريي معاه بالمنجد
و يا ليعتي نحساب كيف نوده
حبال المودة بينا تمتد
و نحساب ما عندي جميل نعده
و لا هو جميله يحسبه ينعد
و نحساب لا طول عذابي مدة
نلڨاه في جنبي طبيب يسد
و بيناتنا ليام ما تتردى
و حتي جرت سيات ما تنعد
و عالي ڨدرنا كل حد و حدّه
و لا حد يقطع عل ڨماير حد
ركبت الخطا لثراتني نتجدى
على عشرته بعد ان رحل شرد
طلع صاحبي ليّش قصير المده
سكرت بابي من ڨداه انسد
لڨيتا غليظ الڨشر ما يتندى
و لا يفيد في الليّش مدار الود
ما تفيد فيه ودايد
و لا نشوف منه الخير لا نتفايد
حتى كلامه من ڤدايا تكايد
و عل فرڨتي زي الصغير توصى
و نلڨاه في مثل القماش البايد
نخيط اجنابه ينفري من نصه
حبيبي زرعلي في ضميري غصه
.png)
حبيبي لحسبته كيف ما حبيته
لا عملت سيه معاه لا وجعته
لا درت فيه العيب لا مسيته
لا عشرته هانت و لا ضيعته
عليت ڨدره لفوق ما واطيته
ثوب المودة بالغلا رصعته
يدير الخطا ولاه ما ظنيته
يبيع عشرتي و يخيب في نعته
يا صاحبي هالفعل كيف رضيته
واش لازك مسرب الود قطعته
اش درتلك تغدر على التلفيته
و بين المراكب مركبي بلعته
و اني مركبك وڨت الخطر نجّيته
راسي و راس المال فيك دفعته
و انت الثمن في رخيص خذيته
و شربتني كاس الحدج بلعته
و خليت فيّ جرح ما داويته
و نوم الهنِي حارم عليّ منعته
و نسيتني فرح الحياة و نسيته
و في الڨلب حزني بالدموع طبعته
و تلڨاه عند الله كيف نويته
الشر و الخطر و المر لي فارعته
و انسى الغلا يزيك ما ستنيته
ما دام من ڨلبي غرامك بعته
انسى الغلا بالمره
و ڨرط رحيلك من ڨداي و بره
ما تڨول عندي من حكالي سره
و لا شفت في عمري لمايح نصه
و لا نذكره بالعيب لا نتبره
غير الوجع ظهّر حديث الڨصه
حبيبي زرعلي في ضميري غصه
✍️ الشاعر البشير عبد العظيم🇹🇳
قصيد معارض للقصيد الأصلي الشهير
#حبيب_ل_زرعلي_في_ضميري_غصة
للشاعر الكبير المرحوم أحمد بن سالم البرغوثي