"أكتب ولدي"
صورة من تصميم أكادمية الشعراء العرب
حرمنا ما تهواه أعقاد
وسور شرفنا ما ينهد
علينا ينبي هاك الواد
منين نفزع وڨداه ارد
فيه نعدم ضنوة لوغاد
وفيه الظالم عمره حد
حني مانا في الحب اجواد
حني لانا نكارة ود
حني لحلقنا ميعاد
الراي الصالح بيه نسد
حني كانك تبحث نشاد
علينا يا فارس تنشد
هني نجعي عمر لهواد
جفي نز الغابة وبعد
وشيع عينك للميراد
تلاڨي معدولات الڨد
اغزلة تهواهن لرياد
شفرهن ونظرهن يصهد
يفوتن مكحلة الصياد
ليامكن صبعه وجبد
شبروصفڨ العراد
يخاف جليبتها تشرد
وكيف تمسى الليل سواد
تلاڨينا وما غايب حد
ودكم سعيه عالمعتاد
اصايح شور مراحه هد
وجت الحلابة تنڨاد
معاها السارح يتفقد
وصهلن رده البيت أجياد
وحس الحيران تغرد
تعشينا وطاب البراد
وباتت نيرانه توڨد
سمعنا كلمة يا لسياد
ترا ثمش فرسان ترد
كحيلة ساڨوها الحساد
وفيها وعد الله نفد
وبانت تزعل عالاحماد
وتصاهل لحڨت تزعل
تكيل في لرض تغربل
ردوها وبردت لصهاد
رجال ادل وتعمل حل
معاها ساڨوا ميات جمل
صبح نجعي ما فيه كساد
الله جعل ايامه فل
حياته ما تعرفش الذل
اكتب ولدي جمعها الكل
✍الشاعر البشير عبد العظيم